Markaðsakademían
Marketing & Advertising - Kópavogur, , Iceland
Markaðsakademían Employees
Markaðsakademían Details
Við hjálpum fyrirtækjum að ná árangri. Við höfum boðið uppá regluleg markaðs- og þjónustunámskeið í rúm 9 ár. Starfsmenn frá nánast öllum 300 stærstu fyrirtækjum Íslands hafa verið þátttakendur ásamt starfsmönnum úr miklum fjölda minni fyrirtækja (sjá hér), út um allt land og úr öllum atvinnugreinum. Í heildina hafa á þriðja þúsund manns sótt námskeiðin. Eigendur Markaðsakademíunnar eru Guðmundur Arnar Guðmundsson og Klara Briem. Guðmundur Arnar hefur mikla fræðilega og hagnýta reynslu af markaðs- og þjónustumálum eftir að hafa starfað við markaðsmál og sem markaðsstjóri í hátt í 20 ár. Hann hefur starfað sem markaðsstjóri Íslandsbanka, Nova og WOW air, markaðsstjóri Icelandair í Bretlandi og sem vörumerkjastjóri Icelandair á Íslandi. Þá hefur hann veitt fjölda fyrirtækja ráðgjöf um hvernig haga megi markaðsstarfi. Ennfremur hefur hann kennt markaðsfræði og vörumerkjastjórnun við Háskólann í Reykjavík ásamt því að vera reglulegur gestafyrirlesari í öllum háskólum landsins. Hefur hann m.a. stýrt markaðsmálum hjá tveimur Markaðsfyrirtækjum ársins skv. ÍMARK, Icelandair 2011 og Nova 2014. Guðmundur er með BA honours í hagfræði frá Acadia University í Kanada og MBA frá Háskóla Íslands, auk þess að hafa sótt stjórnendanám, þ. á m. Design Thinking við Harvard Business School. Hann hefur verið mentor í Startup Reykjavík og Startup Tourism, dómari í Gullegginu og markaðsráðgjafi fyrir fjölda fyrirtækja, af öllum stærðum og í mörgum ólíkum atvinnugeirum. Guðmundur sat í stjórn ÍMARK og veitti félaginu formennsku og tók þar þátt í vali á markaðsmanni ársins, áhrifaríkustu markaðsherferðinni, Lúðrinum og markaðsfyrirtæki ársins. Þá hefur hann verið leiðbeinandi fjölda háskólanema við lokaritgerðaskrif.
